講下个大仔

 不經不觉，大仔已經16歲，青春期。在香港就中四定中五咁上下了。在呢边就 Year 11, 下年 year 12就畢業，最好就入 Uni 吧。

青春期、男。係好難教。佢天生唔蠢，有少聪明。但有少量情緒化問題同懶散。經常手機不離手，沉迷手機娱樂。对比学習同練習时间，娛樂佔7乘。如肯改變自己努力学習，其實可以每科都A。

竟然....

 最近几星期都有些情緒，今晚有个朋友话心情唔好，但話唔方便講乜事。令我有感而发。搵个free Blog 写下肺話。点知去左 Blogger 見到自己十几年前已有个 account. 咁....順手「再生」吧。

識我既人，可能觉得我好普通，或者怪怪地，唔太社交。又或者觉得我儍儍地。乜都好，我都係比較內向，情緒敏感，EQ低同玻璃心既人。

基本上我都会視一部份朋友为非常好既朋友。由於我單純、天真、又冇机心，我多數冇乜嘢要刻意隐藏。當然戶口密碼，有几$呢D野就唔會講。但你又会发觉，唔少你以为好 friend既朋友其實都係築左D牆，唔会同你咁深入交流。原來自己打開的心，換來on9行為。結論係，朋友多數只係上飲食同社交朋友。咁都好既，间中揾人陪下唔使一个咁寂寞咁樣。