Daddy, Happy Birthday!!!

31-05-2009

今日係daddy的3x歲生日, 首先我祝daddy每日都身體健康, 開開心心, 工作順利!!!

今日daddy帶咗我去大球場參加全球prayer day, 係我第一次參觀大球場ah! 之後我哋係Causeway Bay Sogo行咗一陣就返屋企lu, cwb實在太太太....多人喇!

今日返屋企時, daddy測試咗我識唔識自己返屋企, 比我自己行入升降機. 升降機門打開後, daddy mammy就跟住我後面, 我就識自己行到屋企門口, 企係度等daddy開門. Haha, 我好叻呀!!!

自己行街街!!!

14-05-2009

雖然我已經識行大約一個月, 成日係屋企同婆婆度自己唔駛拖住四圍行. 但係一出到街, daddy mammy放低我我就唔敢自己行, 點都要拖住先敢係街到行.

今日daddy mammy食玩飯就帶我去火車站度行街, 又試吓放我落地要自己行, 開頭我都唔肯ga, 後來見到mammy攞咗張史路比八逹通出嚟, 終於都可以自己行過去攞, 開頭都驚驚ga, 但係daddy mammy鼓勵多我几次, 我再試多几次之後, 就敢自己行lu. 我發覺咗原來我唔駛拖住都可以行, 開頭好興奮ga, 仲舉雙手咁行. 之後仲周圍去攪d自動售票機添.

我終於可以自己行街街la, yeah!!!!

Fries & Chessburger!!!

10-05-2009

今日同daddy mammy去街街, mammy買咗包包比我食, 食吓食吓, daddy就攞咗條薯條比我食, 跟住daddy mammy就同我做咗個小實驗:

第一次: 放咗一件包包同一條薯條係我面前, 我諗都無諗就攞咗條薯條食.
第二次: 把包包放近d, 薯條放遠d, 我都係攞咗薯條食.
第三次: 放一大舊包包同好細條薯條係我面前. 大家認為我會揀咩呢?

結果: 我攞起咗包包呀......., 然後掉咗包包落地下, 再攞薯條食, yummy!!!

到咗晚餐時間, daddy就買咗個cheeseburger比我, 我試咗一啖就好鐘意食啦, 粥粥食到一半都唔要lu, 係咁要食cheeseburger, 仲好大啖咁食呀, yummy!!!!

相信麥叔叔係最開心嗰個, 麥叔叔你等住我daddy mammy比錢你駛啦!!!

去沙灘!!!

09-05-2009

今日我同daddy mammy去Stanley沙灘玩呀!

首先我係沙灘到行一陣, 雖然d沙沙有d"吉", 但係我都可以拖住mammy周圍行. 跟住mammy就帶我去近水的位置等我可以接觸吓d海水. D海水一吓一吓咁衝上嚟我隻腳度, 雖然我嗰樣好疑惑, 但係我都好好奇咁玩吓.

跟住mammy就攞d沙灘玩具出嚟比我坐係沙灘度玩, 我雙手係咁攞d沙係隻手度玩, 跟住用個產產沙. 不過因我成日當咗個產係spoon, 係咁想產d沙入口食!!! Daddy mammy就好忙咁阻止我咁做, 真係攪笑呀!!!

去避洪水呀!!!

25-04-2009

今日mammy約咗227之友一起同我去玩呀!

Jessy ee有挪亞方舟的試玩票, 就約埋我哋一起去玩啦. 雖然早上落大雨, 好彩下午雨停, 順利去玩. 係嗰到好好玩呀, 有1:1仿造的挪亞方舟, 仲有好多真/假的動物同不同展覽館. 我就拖住mammy, 好興奮咁周圍行, 仲同保保同玲玲玩得好開心呀. 玩到下午6時關門先走呀!

回程返屋企時我已經zzzzz, 今日玩得好開心呀, 希望下次再有機會同保保同玲玲玩啦!!!

第二次剪頭髮!!!

16-04-2009

自從上年100日時剪過次頭髮之後, d頭髮都唔係生得好快, 所以一路daddy都無再同我剪過. 但因為我實在太大汗啦, 係夏天正式來到前, daddy再同我剪一次, 等我可以涼爽d. 今次操剪的是daddy, 開頭我都喊喊ga, 跟住mammy就用餅乾引我, 我先肯一路食, 一路剪. 攪咗大約20分鐘, daddy mammy你剪吓, 我剪吓咁, 終於完成. 爽晒!!!!!

究竟剪得好唔好? 終之我得餅餅食就無所謂啦. 大家快d睇吓daddy, mammy的手勢好唔好啦!!!

返家鄉!

11-04-2009

今日Daddy帶我返南海袓屋, 我仲去咗祭太公呀!

科學館 + 影樓寫真!

4-4-2009

今日係兒童節, daddy mammy為我預備咗好豐富的節目.

第一站就係去科學館, 係嗰度有好多嘢玩呀, 有好多制比我禁禁. 我行咗好多地方呀, 仲可以磅重. 結果係我有21lbs, 仲有相為証添!

第二站就係去VITA PIXEL影樓影B仔寫真, 我的表現都係麻麻, 每個造型只肯定一陣就想走佬, 好彩攝影師部機夠快, 都總算揀到d相.

嘔到入院!!!

18-03-2009

今日我8時多食完魚魚+九杞飯之後, 10時多mammy暗我zzz時開始嘔, 本來諗住嘔晒出嚟就無事. 點知成半個鐘, 嘔咗成10次都仲嘔. 於時daddy mammy就同我去仁安睇急症, 去到見e生都仲嘔, e生就塞咗粒止嘔藥比我, 話如果半個鐘後飲水無嘔就可以返屋企, 如果唔係就怕會脫水, 要留e吊yim 水.

結果只係飲一細啖水都係仲嘔, 所以就留e, mammy就陪我, 攪到成2点先訓到. 我都成個攰晒, 無再嘔lu.

第二日起身, 我都ok精神㗎, 9時多飲咗奶後就zzzz, 10時多起身换片時又成支奶嘔返出嚟, 仲要係噴嗰隻, 仲有拉肚子添. e生梗係要我繼續觀察啦, 要可以食嘢唔嘔先可以出院. 下午終於都無嘔, 6時多e生巡房時可以比我出院返屋企lu. 咁究竟係因咩事又嘔又拉肚子呢, e生就寫腸胃炎, 不過就眾說紛紜, 係一個迷. 唯一肯定就係e院埋單HK$7,200.00!!!

BIRTHDAY PARTY - 加場

08-03-2009

今日係三八婦女節, MAMMY的朋友約埋一起, 同包括我在內的二月之星慶祝生日.

我地去約FESTIVAL WALK的RICE PAPER到食飯, 彤彤仲同我SHARE咗BB餸同YOGHART. 我全部都食晒, 好好味呀! 彤彤已經可以自己周圍行, 我就要MAMMY扶住, 不過我係陌生環境都係驚驚呀, 一定要黏住MAMMY先肯玩. 希望下次見到彤彤我可以自己行, 同佢一起玩啦!

P.S. 好多謝各位送比我的禮物呀, THANK YOU SO MUCH!!!

BIRTHDAY PARTY - PART III

28-02-2008

今日係我生日的第三日慶祝, 約咗太婆去婆婆到同大家一起食CAKE CAKE!

8樓的叔公叔婆同EE都一起嚟玩呀, 不過唱生日歌時我都係驚驚, 但係食CAKE CAKE就好開心啦!

BIRTHDAY PARTY - PART II

27-02-2009

今日係我一歲生日的正日, 約咗兩個同我同年同月同日生的朋友 - 寶寶同婷婷一起慶祝呀!

我地去咗寶寶係荔景的屋企到開PARTY, BRENDA EE預備咗好多美食同玩具. 我地一起做生日帽同埋一起玩玩具, 雖然唱生日歌時我就驚驚所以喊喊, 但係都玩得好開心. 不過MAMMY就大懞, 竟然只係READY咗一份禮物嚟交換, 我明明有兩個朋友嘛!!! 真係失禮晒!

BIRTHDAY PARTY - PART I

26-02-2009

今日係我KING KING生日慶祝活動的第一日, 就係同麻麻同姑媽慶祝!

DADDY, MAMMY買咗生日HAT, BANNER, CAKE同埋好多嘢食返嚟. 又同我唱生日歌食CAKE, 好開心呀!

熊貓公園OCEAN PARK!

22-02-2009

今日我由頭到腳一身熊貓的打扮去OCEAN PARK探望遠道由四川移民落黎的4位子民!

大約中午12時就坐170到逹熊貓公園, 一去到就去咗同我4位朋友打招乎. 見佢地4個都肥肥白白, 好食好住, 食飽就ZZ, ZZ飽就玩, 玩飽就ZZ, 過住同我一樣的熊貓式生活, 我都好安心了. 之後去咗panda館側的記念品店行, 售貨員姐姐見到我king king熊貓服出巡, 都要同我影張相.

飲完支奶後, 我就去咗坐Merry-go-round, 兒童摩天輪, cable car, 睇seal, dolphin show, jellyfish...., 玩到成5點几, 坐cable car翻轉頭時我已經攰到zzzz lu!

Potty Training

16-2-2009

Mammy買咗個新的Potty比我等我學自己坐係potty到poo poo. 不過起初我都有d抗拒除咗褲仔咁坐係potty到. 暫時我只得16/2早上試過一次自己坐係potty到去wee wee同埋poo poo. 其他都只係肯坐係potty到一陣, 但就唔肯自己坐住咁poo. 大家睇吓我個新potty啦!

Daddy整蠱我呀!

19/02/2009 THU Morning

今朝我大肥仔(其實慢慢變緊瘦仔....)8點鐘就起身喇, 我見到支琴晚飲完既吉奶奶樽, 就諗起我今朝仲未飲我最愛既奶奶, 咁我梗係喊喊扭奶奶啦. 個衰daddy見我喊仲比樽吉奶我飲, 我明明聽到媽咪都話唔好比我飲 (都冇奶奶既.....), 佢都仲要塞比我. 咁我見到奶奶樽就梗係飲啦.............塞左落人地個口又即刻攞返走, 擺明整蠱我大肥仔啦! 我就即刻扭大計做大喊十喊餐飽先!!

飲返夜奶!

13-2-2009

昨晚我終於都破咗我自已保持咗兩個多星期的唔飲夜奶記錄, 又要飲返嘞! 昨晚約10pm飲奶訓覺之後, 凌晨2時又要飲lu! 係mammy放大假期間無飲過, 就當係比mammy放假啦, 依家佢開返工, 咁我梗係做嘢啦, 唔係點好大肥仔呀, haha....!

BK 生日會!

8-2-2009

今日我去咗參加BK的1 YEAR 生日會, 係嗰度同其他0802出世的BB一起開P.
雖然我抽唔到奬, 但係都同咗好多BB一起玩, DADDY仲比咗D朱古力雪糕同TIRAMISU我食添, 我好鐘意食呀! 玩咗成日, 仲唔肯訓添呀!

大躍進!

6-2-2009

自從病完之後, daddy mammy發現我大個仔咗, 識嘢多咗同埋good boy咗(少少啦)!

總括來說有以下進步:

• 由mammy放大假開始嗰個星期開始到今日都暫時無再飲夜奶 (暫時都keep咗兩星期lu)
• Daddy放假時發現我識自己玩的時間多咗, 少咗cry要人陪
• Daddy抱我都唔會亂喊, 仲好鐘意同daddy玩, 星期六daddy抱住我時仲唔肯去返姐姐到添
• 識得一有music就"un"吓"un"吓咁dance
• 聽到London Bridge同Spider歌識跟住做動作
• 識得bye bye, flying kiss, 同埋daddy話nose我識指住自己個nose

多謝各位一路以來的祝福, 我大肥仔(雖然依家修咗身)一定唔會辜負大家, 會繼續努力進步!!!

多謝支持!!

LET'S GO TO MACAU!!! (DAY 2)

2-2-2008

早上八時飲咗支奶後我一路係大床訓到九時才起身, 之後就開始今日的第一個節目, 也是今次我大肥仔嚟澳門的戲玉 - 游水水呀!!!

落到泳池, daddy mammy同我簡咗個最暖的按摩池來給我下水禮, 嗰度的水温好似我沖涼的水咁暖, 連daddy都話好舒服呀. 我係水度又拍水, 又點蟲蟲, 又拍手掌, 好開心呀. 玩咗大約半個鐘先走.

之後我哋再係威尼斯人四周參觀, daddy仲影咗好多靚相添! 下午就去咗氹仔同路環食野, 之後就坐船返香港lu!

LET'S GO TO MACAU!!! (DAY 1)

1-2-2009

今日我大肥仔第一次離港去玩, 目的地就係澳門威尼斯人. 雖然只係去2日1夜, 但都好大陣像, daddy mammy除咗要帶我的bb車外, 仲要帶個細拖喼, 先可以放晒我d衫, 奶樽, 粥粥, 尿片..... 仲多野過daddy mammy去台灣嗰時.

早上六時多飲咗支奶後我哋就準時6.30am出發, 真係晨咁早呀! 上船無耐我就一路訓, 較準時間到咗威尼斯人先醒. 放低行李就去遊澳門, 仲係大三巴同漁人碼頭影相. 玩咗一日就返酒店, 四圍參觀同影相, 酒店好大好靚呀. 不過全日我最鐘意的活動就係於酒店房的bb床到行來行去, 好開心呀!!! 最後我都係bb床自己訓咗....兩個鐘. 之後就要同daddy mammy訓至安心.

真相大白!

29-1-2009 (年初四)

今天雖然我已經無發燒, 但poo poo咗成5次, 所以為安全計daddy mammy都再同我去睇e生. 今次去返第一城梁智宏到睇, e婆&表e仲同我一齊去添. 表e好關心我呀, 想同我一起入去見e生, 不過最後姑娘唔知道所以無比表e入. 經e生診斷後確認我係出玫瑰疹, 終於真相大白呀! Daddy mammy都安落晒, 因為玫瑰疹係好無危險的病, 只要退咗燒, d疹就出, 又唔痕又唔痛, 仲唔會留疤, 咁就無事啦. 之後我就一路無再發燒, 也無其他唔舒服, 成個人精神返晒, 仲食返粥粥添. 多謝大家的關心, 我好返晒啦!

"慶"牛年!

26-1-2009 (年初一)

年三十晚係屋企同daddy mammy團年打邊爐之後就zzzz, 等待牛年的來臨. 點知零晨12點多, mammy就發現在訓覺中的我發燒呀. 於是daddy mammy就比退燒藥我食, 雖然退到燒, 但係年初一都斷斷續續發燒. 去到婆婆到拜年, 想同大家玩都無心情呀. 就連我平日的至愛奶奶都無心機飲.

初二大清早daddy mammy就同我去睇e生, 食咗藥都好咗d, 不過都唔係咁有心情玩同埋食. 雖然見到好多表舅父, 表e...., 好熱鬧, 仲有好多利是逗, 但是苦練咗的請請指定動作就無表現出來. 等我好返再補返比各位啦. 真係估唔到我第一個農曆新年會過得咁"慶烚烚"呀!

我大肥仔祝大家牛年順境, 身體健康, 心想事成! (請請...; 請請.....)

彤彤, 生日快樂呀!!!

24-1-2009
今日我又去開p啦, 今日的主角係我的好朋友彤彤呀! 佢一歲生日呀!
Mammy一收工就同我去香港仔彤彤家參加佢的birthday party. Winnie ee準備咗好多美食, 不過我都無份食, 好彩我都可以同彤彤一起食bb餅, 同埋daddy比咗少少birthday cake我食.

雖然彤彤屋企有波波池同埋好多玩具, 不過我今日的狀態麻麻哋, 成日都要mammy抱住, 唔可以自己同彤彤在遊戲床到玩. 希望下次見到彤彤時我會叻d, 可以盡情同佢玩餐飽啦!
彤彤: 做乜Ansel你今日成日都要mammy抱, 唔同我一齊玩, 仲要霸埋我張sofa呀? (設計對白)

Happy New Year!!!

1-1-2009
新年快樂!!! 我小b人生第一次的除夕倒數, 就同周公係夢中渡過!
我大肥仔係度祝各位2009年萬事如意, 開開心心, 快高長大, 奶奶長飲長有!!!

經過聖誕節一連串的活動1月1日我同daddy mammy係屋企休息, 玩玩中渡過!

生日party + 睇燈飾

28-12-2008
生日Party
今日我又去參加生日party啦, 今日的主角係Charis姐姐, 佢3 year old啦! 其實上一年12月佢開生日party時我都有參加的, 不過當時我仲係mammy個肚到, 未可以落地玩. 今年就唔同啦, 除咗可以自己周圍去玩之外仲有份食添呀, 我食咗daddy比我的sandwich, 意粉同埋薯蓉呀! 係個度我仲玩咗balloon同埋滑梯添! Eterna姐姐仲送咗份聖誕禮物比我, 係一筒blocks嚟呀, 真係好多謝佢呀!

尖東睇燈飾
之後我坐係車仔度係火車度已經訓咗, mammy daddy返屋企休息咗一陣, 我哋就出發去尖東睇燈飾, 好興奮呀! 首先我地去咗Burger King, daddy mammy就食burger, 我就係burger king度食粥粥. Daddy食得好開心, 好enjoy呀, 佢話個whopper好好味呀, 仲比咗少少飽飽我試吓添. 我好叻呀, 坐係Burger King張bb椅到食晒d粥粥, 無扭計要抱阻住daddy mammy食嘢. 今後我哋就去咗gateway, 本來daddy mammy想食new york fries, 不過人隴太長啦, 所以我哋都無食, 繼續睇燈飾的行程. 我哋去咗ocean terminal嗰邊, 仲誤打誤撞發現咗條新路到海邊, 睇到有大遊輪同埋今年ocean terminal的發光火車. 之後我哋一路係海邊星光大道行睇燈飾, 行到去新世界仲同d老爺車同樹燈影相. 好靚靚呀!!!

10個月大!

27-12-2008
今日我10個月大呀, mammy同我去咗一個bb gathering, 嗰度所有bb都係同我一樣27-2-2008岀世! 我就係嗰度同各位同年同月同日生的b仔b女慶祝我哋大家的10個月生日. 我見到其他bb都好開心咁想摸佢地同佢地玩呀, 不過我就有d粗魯, 成日都篤到或者大力打到人, 等我學吓温柔d先得! 睇吓我地的合照, 係咪好多b呢!

X'Mas Buffet!

24-12-2008
今年喺我小b的第一個平安夜, daddy mammy同我去咗Novotel食聖誕大餐!!!
嗰到好多嘢食呀, 不過我只係可以食飽飽我飲奶奶, 真係有得睇無得食呀! 不過好彩仲可以同Santa Clause影返張相, 影完相我仲拉住Santa隻手唔比佢走呀.
今日我仲我可同彤彤玩添, 彤彤仲著咗聖誕b裝, 好應節呀! 玩完一輪返到屋企已經成12點啦, 25/12係記念Jesus降生的日子, 等我下年學返首聖誕歌來記念先!