第一次參加生日會&bbq!

13-12-2008
今日我第一次參加生日會呀!
今次生日的主角係mon bb哥哥. 多謝Auntie May的邀請, 好開心係哥哥搬走前可以參加佢的party. 嗰日係帝堡城的會所有好大個playground, 仲見到好多bb同小朋友, 玩得好開心, Auntie May仲送咗d餅餅同禮物比我留念.
哥哥20/12就搬去沙田廣場了, 以後就無得係屋企聴到佢的聲音和係走廊到同佢玩, 真係好唔捨得佢呀! 希望佢新屋快樂啦!

去玩哥哥party之後就去咗姑婆到bbq, 仲食咗魚魚呀, 好好味!!!

第一張証書

21-12-2008

經過咗8堂的Baby Sign, 最後daddy mammy代我考試合格之後, 我就順利攞到我小b人生第一張certificate! 大家睇吓我同Bee Bo同埋各位同學仔的合照啦!

至於究竟我學咗d乜, 就有待daddy mammy繼續同我練習, 等我係學識講嘢前, 用d簡單的sign來同大家溝通.

紅色聖誕, 我大出血呀!!!!!!

25/12/2008 THU

今日我訓醒左就叫叫叫啦, daddy 抱起左我, 冇耐媽咪又抱我. daddy 見我冇乜野就好似平時咁放我落床仔到扶住企企玩玩. 點知放左一陣, 我企都未企穩就鬆鬆手,咁我梗係快d捉實返張床仔啦. 點知我一扶, 就o彭一聲撞左落去個扶手到, 痛死我喇!! 我大喊一輪!! 點知比姐姐見到我係咁流血, 原來我撞爆左我自己左邊上面門牙d牙肉,d血係咁流唔停.姐姐媽咪同daddy 係咁用凍水同埋冰同我止血,用左好多紙巾救我,點知止唔到. 就即刻落去睇醫生啦, 原來中途媽咪已經見到我冇流血喇. 但係佢地為左安全d都係帶左我去睇醫生. 醫生就話止左血就冇乜問題架喇!

真係痛死我罌咕b同埋嚇死我daddy mammy. 呢個就係 X'mas 既大出血喇!

好忙呀我daddy (唔係我忙呀)!

25/12/2008 THU

我 panda kingking 好耐冇同大家見面喇! 自從我 daddy 部電腦壞左之後,佢就唔得閒同我寫blog喇.而家都差唔多成但月喇,你話佢係咪整得好慢呢?

呢個月我識左好多野呀,例如坐下部學行車打橫行,仲好霸道架!我又識wow wow wow 咁叫,因為我係 panda 黎架! 我仲由食細仔奶粉轉左食大仔呀, 又冇食少左,即係都係食好多奶奶, 但係我又為食, 食奶又食其他野喎, daddy mammy 唔比我食我又扭計喊喊! 實行煩死佢地兩個! 雖然我好似識左好多野, 自己又識扶住企係到同圍住張床仔行,但係我始終係爬黎爬去都爬唔到呀.爬對我黎講真係好難呀,學黎學去都學唔識, 點算呀?

我仍然都係扭計大王,日日都唔停咁扭計,又唔肯訓覺,搞到daddy mammy都唔得閒.冇計啦我係天生扭計狂,唔扭唔舒服架.

好,冇見咁耐比d我既獨家珍藏你地睇下先!!

我大肥仔終於都 9 個月大喇!

27/11/2008 THU

我大肥仔終於都 9 個月大喇! 今晚同嫲嫲影相相, 又同媽咪影相相呀! 媽咪仲買左個 chik chik蛋糕同我慶祝呀! Daddy 仲比我食少少, 我仲好為食咁係咁叫 daddy 比我食呀. 媽咪知道我唔知食唔食得蛋白住, 所以叫 daddy 唔好比咁多我食. 但係我實在太鐘意蛋糕喇, daddy 唔比我就實行扭計! 扭到有得食為止! 最後媽咪同 daddy 都話 "Done! All Done", 仲做埋動作教我 Baby Sign 添! 今晚真係好開心呀!

左手交右手, 右手交左手...........

24/11/2008 MONDAY

唔好誤會, 我唔係做市呀!

識向前爬喇!!!

22-11-2008
今日真係一個值得記念的日子, 因為我Panda King King終於都成功咁向前爬喇!!! 為咗攞個santa clause, snowman同 tennis ball, 我終於"駛"出我的爬行既本領, 當咗張書枱係跑道, 腳撐手推咁向前爬, 快起上嚟仲識"gut"起個pat pat添呀! 大家就係側邊同我吶喊助威. 不過我係唔會驕傲的既, 我會續繼練習, 直到早日可以肚仔離地咁手膝爬, 橫掃港九新界各區既bb爬行比賽呀.!
大家係咪好想睇我爬行的英姿呢!!! 宜家送比你地啦!

雙眼皮

21-11-2008

一向我眼睛的雙眼皮都唔係好明顯嗰隻, 但今日扭計飲奶的時候, daddy發現我突然變咗好明顯的雙眼皮, 真係迷人的一雙眼睛!!! 當然唔係維持咗好耐啦. 事後daddy都話鐘意我肥仔眼多d, 所以暫時我都係keep住我雙可愛的肥仔眼, 迷人的雙眼留翻見到靚女先出啦!

是但嗡+做小吉!!!

17-11-2008
這星期由星期一開始我好密咁練發音, 有時"ee oo", 有時"ma ma ma...", 有時"呀....", 有几次仲發到mami同"爸爸媽媽"添. 真係得意, 原來我把聲可以發出咁多唔同的聲音! 大人就當然聽得好開心啦. H室隻dog dog 成日吠, 等我都是但嗡同佢互相輝映先得. 再加埋D室Mon bb哥哥的叫聲同喊聲, 13樓從此永無寜日.

呢輪除咗發音外, 我仲好鐘意咬嘢, 十定小吉咁乜都食, daddy之前比咗嗰extra糖盒我玩, 因為fing吓佢會有聲, 所以我好鐘意玩. 有晚趁住大家睇唔到, 我fing吓fing吓就放咗入口咬, 就憑我上下各兩隻門牙, 就咬到嗰糖盒花晒, 仲刨埋d顏色入口, daddy發現後就立刻要我飲水吐返出呢, 仲沒收咗我嗰新歡添!

我o的B仔證件又得手喇!

15/11/2008 SAT

hahahaha!! 我終於使出我既魔法攞到返大陸既證件去四川搵我d國民喇 --- 熊貓貓! 話雖如此, 但係我 PandaKingKing已流落民間好幾個月, d"盤村"已經用得8899, 都冇錢搭火車或者飛機返家鄉喇, 不如你地救濟o下我呢個落難既PandaKingKing啦!

Bye Bye Daddy

10-11-2008
今朝daddy出門口返工時, 我識得揮手同daddy say goodbye ah! YEAH!!!

病病週

8-11-2008
自上星期日一早, 小弟便開始咳咳並有痰, daddy都不敢怠慢立刻同我去睇e生, 不過可能當時的情況未算嚴重, e生只開了好温和的藥. 但星期日半夜開始我就發燒, 連續几日都斷斷續續咁發燒, 且而d痰痰仲好多, 扯住咁咳, 好辛苦呀! 真係聞者傷心, 見者流淚, daddy mammy心痛!

之後藥都未食晒就去睇第二次e生, 今次e生開d強d的藥給我, 食完第二日就退燒. 病情終見好轉. 不過到依家都仲有running nose同埋有痰咳. 如果星期一都未好, daddy就再帶我去睇另一個e生. 希望我快d好返, 唔駛再食藥啦!

本來今日去爺爺家探望由廣州來的姑婆和表姑姐, 不過當daddy帶我去到時我就不停喊, 攪到坐都未坐就要走. 可能因為病病, 所以驚驚啦, 今日真係失禮晒!!! 下次等我好返, 等我再表現我可愛的一面比大家睇啦. 我依家已經識拍手和請請啦! 拍手係我最鐘意的動作, 遇到唔鐘意的事, 仲識擰頭添!


相片中的我正在拍手, 不過表情木獨!

第3-4隻牙仔!

26-10-2008
今日的新發現就係我上面開始出兩隻門牙喇! 不過依家都係剛剛開始, 所以要好夠眼力先睇到, 不過摸落就好易feel到. 好快我就可以咬雞脾啦, yeah!!!


考吓大家的眼力, 見唔見到我上面有點白色呀, 我的左邊嗰點會明顯d.

練 yoga

証件篇

25-10-2008
今天一早8am, daddy mammy就同我去排隊攞回港証. 即日攞咗回港証後daddy由立刻同我申請埋回鄉証, daddy的效率真係快! 只要攞埋passport, 我就可以起程環遊世界啦, 唔知几時有機會呢?

再次睇E生

23-10-2008

話說小弟上星期睇完肥仔E生之後, 星期六/日已經好咗8-9成. 但係星期一開始又差返, 星期三仲肚仔唔舒服, poo poo咗5次. 所以星期四一早又去睇e生, 今次去咗睇表e個e生.

唔知究竟係e生e術高明定係"行運e生e病尾, 食咗1-2日藥我又好返啦, 連止all藥都無食過就無事. d藥都係留返係屋企看門口.

參加大學畢業典禮

22-10-2008


我大肥仔今日出左去見識o下大人既畢業禮係點既, 舅父仔終於都畢業喇! 我就四圍行黎行去, 真係好好玩呀. 我見到好多野食不單止冇得食, 又識唔到靚女可愛b女呀, 你地有冇鬼妹靚b女介紹我識呀? (原來最開心果個係媽咪呀, 你睇下佢笑到好似個儍婆咁呀!)

WHAT A BUSY DAY!!!

今日的節目真係豐富. 一早起身飲奶奶换衫之後就先去教會崇拜神神一番.
之後就去太子按摩"梳乎"吓. 因為今日daddy, mammy參加咗個bb按摩班學吓點様同我按摩. 你知我平時行得多, 玩得多, 扭計又要用力, 真係要relax吓先得. 你睇我係咪好開心呢!

輕鬆完一輪, 下午4點就去sign language playgroup唱吓歌仔同學吓手語. 玩咗成日, 真係成個"散"晒呀!

學行新招

18-10-2008
今日公公自製咗條學行狗帶比我, 係由傳統的中國式揹帶改裝而成的. 婆婆見到我咁行笑到肚痛. 我就行得好開心, 因為自己可以話晒事, 唔駛大人扶住, 自己鐘意行去邊都得, 唔駛大人阻住晒. 行到我成個倦晒, 公公抱抱都訓得到.

又要睇E生

可能我太過反訓, 成日轉體360度踼走晒d被. 昨晚訓訓吓3點多, running nose好勁, 成日醒, 要mammy直抱我先訓得翻. 5點仲發燒添, 要daddy mammy漏夜餵我食退燒藥, 好彩好快就退到燒.

一大淸早mammy就同我去肥仔余到睇, 上次病病睇西裝梁食d抗生素食到我好辛苦, 所以今次轉吓, 因為mammy又怕e生開抗生素比我. 今次係我第一次睇肥仔余 (同埋見到 chan chan姑娘), 佢到好nice, 仲話我都算大隻, 夠多肉 (應該唔夠佢多肉). 不過我就唔多合作, 佢同我探熱和做檢查時不停左擰右擰要望住佢個様, 攪到佢要叫mammy攞住支電筒引我. 我仲攪埋肥仔隻錶同隻手添.

最後佢開咗收running nose, 咳水同退燒藥比我, 希望快d藥到病除啦.

大家見唔見到我兩行鼻水呀!

第一對鞋仔

今日daddy mammy食玩晚餐, 同我去新城巿, 買咗我小b人生中第一對鞋仔! Mammy話好軟, 好靚靚呀!

撞親頭

13-10-2008
昨晚係daddy, mammy床度玩時, 一下坐唔穏向前一"鐘", 就撞咗落窗台舊石度, 我當然大聲咁喊啦. Mammy就好驚, 好彩唔係好傷, 係右眼瘀咗. 今次係我第一次撞親, 仲瘀埋添!

大家見唔見到我左眼下面紅咗一片呀?

打邊爐

12-10-2008
今日去完一田掃奶奶之後, 同mama的朋友去旺角譚魚頭打邊爐. 我又有得同彤彤玩啦! 但我自己坐bb椅無耐就要扭抱抱, 攪到daddy成晚都無食嘢, 抱住我四圍去, 我地行咗朗豪坊同西洋菜街呀. 之後返屋企仲一口飲晒240ml奶奶呀!

自己hold奶樽

今日我終於可以自己hold奶樽飲晒支奶奶啦!

BABY RESTAURANT

5-10-2008
今日第一次去Baby Restaurant.
今日重19.02lb

牙仔餅

8-10-2008

因為近日出牙仔, 牙肉痛到我連最享受的奶奶都唔啜, 所以今日daddy買咗牙仔餅比我咬咬.

依家我要用匙匙餵先肯飲奶, 好大陣像呀!

自己企起身

今日係重陽節, 天氣轉涼, daddy mammy 幫我戴 snoopy hat. Snoopy hat係剛仔叔叔&Katie姨姨給我的日本手信. 我今日的創舉就係自己可以扶住床邊就可以企起身. YEAH!!! (Daddy註: 唔係次次得, 要儲夠力至得!)不過mammy就好擔心, 怕一時睇我唔到, 我會爬到跌落地!

出牙仔呀!

繼6月份時發現疑似牙仔令大家空歡喜一場後, 9月份終於出真牙仔! 兩隻牙仔出係下面喇!